Zizobe zenza imigilingwane efana nale izimoto embukisweni iGas Motorshow eSuncoast, eThekwini, ngempelasonto Isithombe: Sithunyelwe
Sekuya ngasemaphethelweni ukulungiswa kwenkundla lapho kuzosingathwa khona umbukiso wezimoto, iGas Motorshow, eSuncoast, eThekwini, ngoMgqibelo nangeSonto.
Njengamanje kuphithizela abasebenzi njengoba kugxunyekwa isiteji, izindawo zokuhlala izethameli nokunye.
Lo mbuksio uhlanganisa izimoto nomculo njengoba kuzobe kunabaculi noDJ abahlukene.
Kuwona kuzobe kudlalwa izimoto zishaya izidudla, drifting, gymkhana, kukhonjiswa ngezimoto zamzukwana, ezikhasa phansi, amabhayisikili, imidlalo yamakhompyutha nokunye.
Kuzobe kunabaculi okubalwa kubo uLady Zamar, MiCasa, TXC, DJ Kent noDJ Fresh.
NgeSonto kuzokwenzeka okuhlukile njengoba kuzobe kugujwa usuku lobaba nolwabantu abasha. Kuzobe kunombukiso wamabhanoyi azobe enza imigilinywane ehlukene.
Amathikithi adayisa eWebticket ngemali eqala kuR150.
Related Topics: